transformando a paisaxe urbana

O obxectivo de ‘A Vila da Mañá’ é cambiar o modelo de vila ou cidade, creemos que outra pode ser posible. Isto conséguese a través da participación protagónica das nenas, nenos e adolescentes do lugar que, traballando cos conceptos fundamentais a través de accións de urbanismo táctico convértense en cidadanía activa capaz de transformar os seus espazos.

Neste caso trabállase coa sustentabilidade, reflexionando sobre a forma na que nos relacionamos co planeta e facendo conscientes as nenas, nenos e adolescentes de que o sustentable consiste nun equilibrio entre aquilo que nos permite desenvolver a nosa vida e o que non compromete a supervivencia das futuras xeracións. E así, darnos conta de que só temos un planeta con recursos limitados que hai que coidar.

Os elementos naturais como ferramenta necesaria, trátase da interacción entre a paisaxe construída e a paisaxe máis natural, así como dos territorios intermedios. De entender cómo as persoas construímos a paisaxe e cómo a paisaxe tamén nos constrúe.

Con todo isto, créase un mural colorido outorgado polos sobres de cores xeotextíls, nos que se introduce terra, auga e as bombas e que irase complementando paulatinamente polo verde das plantas nacidas, preparadas por eles mesmos.